అదే ముఖం.. కానీ భిన్న దశలు.. పునర్నవి పిక్స్ వైరల్!
on Apr 18, 2021
'ఉయ్యాల జంపాల' సినిమాలో హీరోయిన్ అవికా గోర్ స్నేహితురాలిగా నటించింది పునర్నవి. ఆ తర్వాత 'మళ్లీ మళ్లీ ఇది రానిరోజు' సినిమాలో శర్వానంద్ కూతురిగా కనిపించింది. 'పిట్టగోడ' సినిమాలో అయితే హీరోయిన్గా దర్శనమిచ్చింది. అయితే సినిమాలతో రాని పేరు ఆమెకు బిగ్ బాస్ సీజన్ 3 తీసుకొచ్చింది. అందులో తోటి కంటెస్టెంట్ రాహుల్ సిప్లిగంజ్తో ఆమె కెమిస్ట్రీ, లవ్ ట్రాక్ టాక్ ఆఫ్ ద టౌన్గా మారి, ఆమెకు విపరీతమైన పాపులారిటీ తెచ్చిపెట్టింది.
హౌస్ నుంచి బయటకు వచ్చాక కూడా కొన్ని రోజుల పాటు రాహుల్, పునర్నవి లవ్ స్టోరీ గురించి జనం మాట్లాడుకుంటూనే వచ్చారు. సోషల్ మీడియాలో రకరకాల కథనాలు కొనసాగాయి. అయితే తర్వాత ఆ ఇద్దరి మధ్యా ఫ్రెండ్షిప్ తప్ప వేరే ఏమీ లేదని తేలిపోయింది.
ఏదేమైనా బిగ్ బాస్తో వచ్చిన ఫేమ్ తర్వాత పునర్నవి సోషల్ మీడియా అకౌంట్లో ఫాలోయర్స్ విపరీతంగా పెరిగారు. ఇన్స్టాగ్రామ్లో ఆమెకు హాఫ్ మిలియన్ పైగా ఫాలోయర్స్ ఉన్నారు. తరచూ తన పిక్చర్స్ను షేర్ చేసుకుంటూ ఫ్యాన్స్ను ఆనందపరుస్తూ వస్తోంది.
వాటిలో గ్లామరస్ ఫొటోలతో పాటు తను పాల్గొన్న ఈవెంట్స్కు సంబంధించిన ఫొటోలు, వివిధ సందర్భాల్లో తీసుకున్న ఫొటోలు కూడా ఉంటున్నాయి.
లేటెస్ట్గా కొన్ని ఫొటోలను తన ఇన్స్టాలో షేర్ చేసింది పునర్నవి. వివిధ దశల్లో తీసిన ఫొటోలుగా వాటిని పేర్కొందామె. వాటిలో మేకప్ లేకుండా ఉన్న ఫొటో కూడా ఉంది.
"అదే ముఖం.. కానీ నా జీవితంలోని భిన్న దశలు, చాలా విషయాలు మారాయి కానీ కొన్ని విషయాలు అలాగే ఉన్నాయి." అంటూ వాటికి క్యాప్షన్ పెట్టింది పునర్నవి. ఈ ఫొటోలను షేర్ చేసిన కొద్ది సేపట్లోనే వేలాది లైక్స్ వచ్చి, ఆ ఫొటోలు వైరల్గా మారాయి.
Also Read